20 октябрьыште вашлиймаш одо калыкын тӱвыраже дене лийын. Тудын дене Марий Турек районысо Карлыган селасе тӱвыра пӧрт пеленысе «Зардон» калык ансамбль палдарен. Ожнысо одо калыкын чиемже, куштымашыже, мурыжо, модышыжо дене палдареныт. Ансамбльын участницыже Веста Андреева одо семӱзгар кубыз дене шоктен. Удмурт республик, Удмурт культур рӱдер нерген презентаций одо калыкын пӱртӱс да тӱвыра поянлыкше нерген лийын. Одо ӱдырамашын да пӧръеҥын посна куштымашышт уло. Кугу йӱла пайрем, сӱан нунын деч посна огеш эрте. Келшымаш урокышто лийше кажне еҥ нине куштымашлан мастар классыште тунемыныт. Тыгак одо модмашын ойыыртемже дене палыме лийме.
