Мыланна нунын илыш пеҥгыдылыкышт – эрласе кечыш ӱшанле капка. Сандене фронтышто кредалше да тылыште сеҥымашым лишемдаш полшышо-влакын лӱмыштым шарнен илышаш улына. Тиде – тыныс жапыште илымылан мемнан порысна!
Марий тӱвыра рӱдер кажне ийын 9 май кечым кугу концерт-акцийым эртара. Теният тудо Сеҥымаш кечын, Курымашлык полк эртыме деч вара, Чарла Кремльыште эрташ тӱҥалеш.
«Тау тылат, салтак» концерт акций 13 шагатыште лиеш.
Сар годсо да сар деч вара шочшо сарзе муро-влакым марий да руш йылме дене, тыгак патриотик темылан возымо марий автор-влакын мурыштым Марий тӱвыра рӱдер пеленысе «У муро» вокал студийын, «Чон оҥгыр» фольклор ансамбльын участникше, марий мурызо Лариса Сидоркина, М.Шкетан лӱмеш Марий драме театрын артистше-влак йоҥгалтарат.
«Тау тылат, салтак» концерт акций 13 шагатыште лиеш.
Кӱдыратле Сеҥымаш пайрем дене, йолташ-влак! Шарнымаш концерт-акцийыш пагален вучена.
