Марий Элыште тиде кечым кумдан пайремлат. Ола ден райрӱдылаште, школ ден йочасадлаште оҥай деч оҥай мероприятий-влакым эртарат.

Марий тӱвыра рӱдер йоча-влаклан уш-акылым кандарыше, куан дене темше пайремым мӱндыр яллаште але олалаште илыше марий икшыве-влаклан пӧлекла. Тений «Йоча тӱня» 12 ияш марте 200 наре икшывым уша. «Юзо эл» концерт 10 район, Йошкар-Ола гыч толшо 19 йоча коллективын, посна изи артистын мастарлыкшым акла. Пайремыш нуным тыглай ӱжмӧ огыл: чыланат Марий тӱвыра рӱдерын эртарыме онлайн-конкурслаште сеҥыше радамыш лектыныт.

Пайрем дене, йоча-влак! Тек вуй ӱмбалныда волгыдо кава, воктеныда йӧратыше ава ден ачада лийыт. Таза, пеҥгыдемын кушса.