Тушко Узбекистан, Туркменистан да Киргизий гыч тунемаш толшо рвезе-влак толыныт.

Рӱдерын пашаеҥже-влак марий тӱвыран ойыртемже нерген каласкаленыт. «Чон оҥгыр» фольклор ансамбльын коллективше тӱрлӧ кундемыште илыше марий-влакын вургемышт да семышт дене палдареныт. Музыканче Эльвира Петрова шӱвырын да тӱмырын ойыртемже нерген ойлен, шоктен ончыктеныт. Директорын алмаштышыже Василий Петров марий культурын тӱня кумдыкышто шарлымыже, кызытсе верже нерген каласкален.

Бард сем да муро тӱня кумдыкышто пешыже огеш ойыртемалт, но Кокла Азийыште илыше эл-влакын марий калык сем дене икгайлык уло: тиде пентатоника. Тидын нерген «У муро» вокал студийым вуйлатыше Геннадий Григорьев мутым тарватен, «Курымашлык вальсым» муралтен.

Вашлиймашым марий куштымаш дене мастар класс дене мучашлыме.