Фестиваль тений 11-ше гана эртен да Марий Элыште илыше тӱрлӧ калыкым, йот элла гыч толшо студент-влакым ушен.
Тушто марий калыкын тӱвыраже, йӱлаже нерген кумдан ончыктымо. Ончерыште фестивальын участникше-влак марийын чиемже, семӱзгарже, ончычсо да кызытсе илышыжым почын пуышо книга-влак дене палдарыме.
Т. Евсеев лӱмеш Национальный музейын калык сымыктыш тоштержым вуйлатыше Татьяна Матвеева ден тусо пашаеҥ Любовь Демьянова шӱртӧ гыч марий курчакым ышташ туныктымо мастар классышт моткоч оҥайын да рӱжге эртен. Тыгак Медведево район гыч Лидия Кудрявцева марий тӱрым тӱрлаш туныктен.
Тыгак Марий Элын тӱвыран сулло пашаеҥже Эльвира Петрован шоктымыж почеш марий куштымашыш рушыжат, марийжат, татаржат, моло калыкын рвезе-ӱдыржӧ-влакат ушненыт, шӱвырын шочмыжо нерген пален налыныт.
Мероприятий-влакым Марий тӱвыра рӱдер эртарен.
Фото тыште: https://vk.com/album-58959290_304894094