Землячкына, кумдан палыме марий художник Иван Ямбердовын ӱдыржо Татьяна Ямбердова ятыр ий марий калыкын семӱзгарже, ковыж, дене шоктымо традицийым шымла да жаплан келшышын уэшта.
Марий калык семым возымо «TÜMIR – ÜMIR» альбомжо шукерте огыл савыкталтын. Тудым Татьяна Ивановна TaiKoBeatz дене пырля возен. Сем-влакым «Вконтакте», «Яндекс. Музыка» соцлаштыклаште вераҥдыме.
Ушештарена, 2022 ийыште Т. Ямбердован «Ковыж» лӱман икымше альбомжо савыкталтын ыле. Тушко олыкмарий, курыкмарий, эрвелмарий да вичемарий 14 сем композицийым пуртен.