21 январьыште Республикысе марий тӱвыра рӱдер таче Куженер поселкысо 2-шо номеран школышто тӱвыра акцийым эртарен.
Марий калыкнан тӱвыраже гыч лончыжо-влак – тӱрлӧ кундемыште илыше марийын пӧръеҥ да ӱдырамаш вургемышт, мурышт да куштымашышт – нерген пален налыныт. Звенигово, Курыкмарий, Йошкар-Ола вел, Виче да Урал кундемлаште илыше марий-влакын йӱлаштым да тӱвыраштым «Марий калыкын наследийже» этноурокышто почын пуымо.
Тунемше-влак дене вашлиймаште рӱдерын пашаеҥже ден «Чон оҥгыр» фольклор ансамбльын участникше-влак лийыныт.
«Школ администраций лӱм дене кугу деч кугу тау тачысе акцийым эртарымыланда! Пашада умбакыжат ушнен толжо!», – возен ВК-ште школын директоржо Ирина Евраева.
22 январьыште тӱвыра акцийын участникше-влакын корнышт Параньга могырыш шуйна.