Регион-влак кӱкшытан мероприятийым эртарымашке Марий Элын Тӱвыра, савыктыш да калык-влакын пашашт шотышто министерствыже, Марий тӱвыра рӱдер, Шернур муниципал районын тӱвыра, спорт да туризм пӧлкаже, Кукнур ял шотан илем ушнат.

Тушко республикысе веле огыл, марий-влакын тӱшкан илыме кундемлаж гычат фольклор коллектив, кидпаша мастар-влак толын кертыт. Программыште: Шорыкйоллан чийыме костюм конкурс, парад, фольклор коллектив-влакын выступленийышт (кажне коллектив кок номерым ямдылышаш).

Йоча-шамычлан «Модыш алан» пашам ышташ тӱҥалеш. Тыгак имне дене кудалышташ, ватрушко дене мунчалташ йӧн лиеш.

Кызытсе жаплан Волжский, Параньга, Советский районла гыч фольклор ансамбль-влак деч йодмаш пурен.

Йодмашым 2022 ий 28 декабрь марте mari-centr_konkurs@mail.ru электрон почто дене колтен шуктыман. Лекше йодышым 8(8362) 45-88-51 номеран телефон дене рашемдаш лиеш.

Палашда: 2023 ийлан марий юмыйӱлан календарьже почеш Шорыкйол арняже ты гана 6 гыч 13 январьлан логалеш.

Г. Петуховын сӱретше