Марий калыкын шошо пайремже-влак коклаште Кугече посна кугу верым налын шога. Тиде йӱла пайрем Кугече арня мучаште палемдалтеш да марий калыкын тӱвыра поянлыкшым почын ончыкта.

Мероприятий «Марий парк» мер кумдыкыште эрташ тӱҥалеш. (Йошкар-Ола, Ленин проспект, 15).

Кугече пайрем 11.00 шагатлан тӱҥалеш.

Пайремын ик эн оҥай ужашыже «Кугече ӱстембал» конкурс лиеш. Марий Эл Республикын районлаж гыч толшо коллектив-влак пайрем чесым ямдылен кондат.Кугечын поян ӱстелжым жюри аклаш тӱҥалеш.

Мероприятий, марий Кугече пайремын тӱвыра да йӱлаже нерген каласкалыше, постановко дене тӱҥалеш. Пайрем программе «Ташлама корка» тӱшка куштымаш дене мучашлалтеш.

Марий коллектив ден фольклор ансамбль-влак шке мастарлыкыштым ончыктат, мурымаш да куштымаш дене куандарат. Марий калыкын поян тӱвыра ден йӱлаж дене кажне кумылан еҥ лишкырак палыме лийын кертеш. Пайремыш толшо изижат-кугужат Кугече пайремын калыкле модмаште шке вийжым терген кертеш.