В.Х. Колумбын шочмыжлан 90 ий темме лӱмеш Республикысе марий тӱвыра рӱдер «Колумб лудмаш-2025» сылнымут фестиваль-конкурсым эртара.

Мероприятий 20 майыште 11:00 шагатлан Республикысе В.Х. Колумб лӱмеш йоча да самырык-влаклан книгагудышто эрташ тӱҥалеш.

Положений почеш Фестиваль-конкурсыш 7 ий деч изирак, 8 гыч 10, 11 гыч 14, 15 гыч 18, 19 гыч 35, 36 ий да кугурак ийготан-влак коклаште участник-влак ушнен кертыт.

Сылнымут номинаций.

В. Колумбын произведенийже-влак: марий почеламут (произведений гыч ужаш), В. Колумбын кусарыме произведенийже-влак (руш, финн, эстон але моло кеч-могай йылме).

Сем номинаций.

В. Колумбын почеламутшылан возымо муро-влак; авторын але вес участникын йоҥгалтарыме авторский мурыжо-влак.

«Колумб лудмаш-2025» сылнымут фестиваль-конкурсын участникше лияш йодмашым 12 май марте колташ кӱлеш.

e-mail: mari-centr_konkurs@mail.ru
тел. (8362) 45-88-51

Тичмаш увер:
Положений — mari.mari-centr.ru/node/1185