Марий тӱвыра рӱдер Йошкар-Олан кечыжым пайремлаш ямде!

Олан Кечыжым палемдыме лӱмеш пайрем мероприятий-влак арня мучко эртат да Марий тӱвыра Рӱдер ӧрдыжеш кодын огыл!

Ме рӱдолаште илыше калыклан да уна-влаклан «Йошкар-Ола – тый  мыйн шӱмыштем!» концерт программым ямдылен улына. Чарла Кремльын пайрем площадкыштыже куанен да веселан пайремым эртарышна. Уна-влак усталык коллектив-влакын ылыжтарыше выступленийышт дене ракатланен кертыныт, весела сем почеш муралтен да кушталтен улыт.

Пайремышкына толшо-влаклан касым мемнан дене пырля эртарымыштлан да мари тӱвыра деке шӱмаҥдыше-влаклан таум ойлена.