Ончыч Т. Евсеев лӱмеш Калыкле тоштерыш миен толмо, кылтам кырыме ожнысо сапондым кугезына-влак кузе ыштеныт — рашемдыме. Эрлашын корнына У Торъял районыш шуйналте. Тушто районысо тоштерыште лийна. Тыште шурным поген налме, йоҥыштен, киндым пыштен кочмо марте марий калыкнан кучылтмо ӱзгарыштым шымлен налме. Палемдыман, У Торъял муниципал тоштер мланде паша дене кылдалтше экспонат-влаклан поян. Ӱшанена: нине экспонат-влакым Йошкар-Олаште эртарыме «Угинде» пайремыште ужын кертына.

А рӱдер пашаеҥ-влак коваштын але аваштын пасушто шурно погымо, кылтам пидме сомылым шкештак шуктышт: верысе озанлык вуйлатыше деч разрешенийым йодын, сорла дене шурным тӱредыныт, кылтам ыштеныт.

А кылтажым сапондо дене кыраш, пырчыжым, пу кольмо дене пуалтарен,  кидвакш дене йоҥышташ тыланда, йолташ-влак, пиал логалеш. 14 октябрьыште Чарла Кремльыш пагален вучена.