Тиде кечым 2004 ий гыч палемдаш келшыме. Лач 160 ий ончыч,1863 ий 27 сентябрьыште, Санкт-Петербург олаште икымше йочасад почылтын. 2016 ий гыч тудым кугыжаныш кӱкшытышто пайремлаш тӱҥалме.

Марий тӱвыра рӱдер йочасадыште тыршыше кажне пашаеҥым профессионал пайремышт дене саламла да пашаштышт сай лектышым тылана. Рӱдерын йочалан эртарыме мероприятийлаш те толаш икшыве-влакым кумылаҥден шогеда, ямдыледа. Тидыже моткоч куандара. Тыге иквереш ялысе да оласе йоча-влакым марий тӱвыра дене палдарен, марла чаткан ойлаш туныктен шогымаш кугу пайдам пуа.

Пайремда дене, пагалыме йолташна-влак! Таза, эсен лийза.