Марий Элыште тиде кечым кумдан палемдалтеш. Мероприятий М. Шкетан лӱмеш Марий драме театрыште эрта. 10 шагат гыч 18 шагат марте Марий тиштын вияҥме корныжым почын пуышо 12 мероприятий эрта.
Тушто модератор семын марий шымлызе, кумдан палыме сӱретче, этномастар, писатель да журналист-влак лийыт, паша да чон кумылым шуктышо сомылышт гоч марий тиштынан кушкын да вияҥын толмо корныжо дене палдарат.
Марий йылмым, тӱвырам вияҥдымаште кугу надырым пыштыше, тӱрлӧ конкурслаште сеҥыше-влакым палемдаш тӱҥалыт.
Пайрем профессионал да самодеятельный коллектив, посна мурызо-влак сӧрастарыме «Кажне семыште УСТА шочмо йылмына» концерт дене мучашлалтеш.
МАРИЙ ТИШТЕ КЕЧЕ-2023
ПРОГРАММЕ
10 декабрь
М. Шкетан лӱмеш Марий кугыжаныш драме театр
Театрын фойежt
10.00 – 16.00 «Марий Эл республикын тунемме книгаже» книга ончер
11.00 – 11.40 Тамгам пыштыме тоштерысе ӱзгар ончер. И. Ямбердовын сӱрет ончерже
«Тамга – тиштын тӱҥалтышыже» усталык тӱэм. И. Ямбердов
11.40 – 12.30 Звениговысо калык мастар пӧртын ончерже
Марий тӱр дене усталык тӱэм
«Марий тӱрым лудына» этноурок. И. Степанова
13.30 – 14.00 «Йӧратем, Россий элем!» сылнымут-сылнысем шагат
14.00-15.30 Регион кокласе «МУНЛО» интеллектуал модмаш
Изи зал
12.30-13.30 «Ший калыкын талешкыже» сылнымут вашлиймаш (Леонид Яндаковлан 90 ий темме лӱмеш)
Театр зал
11.00 – 12.30 «О, мӱкшава гай поро шочмо йылме…» лудшо-влакын республикысе онлайн-конкурсышто сеҥыше-влакын выступатлымышт да нуным саламлымаш
12.30 – 14.00 «Ямде лий» ден пырля лийын, шижса сылнымутын вийым» усталык шагат
14.00-15.30 Марий йылме интернетыште. Этнокультур сынан электрон туныктымо ресурсым ямдылыше-влак коклаште республикысе конкурсышто сеҥыше-влакын презентацийышт
«Ме марла ойлена» марий йылме да тӱвыра курсым эртарыме паша шынык» доклад-презентаций
16.00-17.30 Пайрем концерт «Кажне семыште уста шочмо йылмына»
Марий йылмым туныктышо-влакым суапландарымаш
«МАРЛА ЧЫН ВОЗЕНА» XI Тӱшкале диктантыште сеҥыше-влакым суапландарымаш
«Шочмо кундемем – чон пӱрымашем» регион кокласе конкурсым иктешлымаш
С.В. Рахманиновын «Сирень» романсыжым марий йылмыш эн сайын кусарыме республик конкурсым иктешлымаш
12 декабрь
Марий туныктыш институт
10.00 «Уэмдыме ФГОС-ын йодмыжым шуктымо кышкарыште республикыште шочмо йылмым тунемме ойыртем» республикысе семинар
12.00 Марий Эл Республикын шочмо йылмым туныктышо-влак Ассоциацийын отчет да сайлымаш погынымашыже
Организатор-влак:
— Марий Эл Республикын Тӱвыра, савыктыш да калык паша шотышто министерствыже;
— Марий Эл Республикын Туныктымаш да шанче министерствыже;
— Марий Эл Республикын «Марий тӱвыра рӱдер» республикысе кугыжаныш тӱвыра тӧнежше;
— Кӱшыл шинчымашым пуышо «Марий кугыжаныш университет» федерал кугыжаныш бюджет тӧнеж;
-Марий Эл Республик Виктер пеленсе «В.М. Васильев лӱмеш Йылмым, сылнымутым да историйым шымлыше шанче марий институт» кугыжаныш бюджет шанче тӧнеж;
— Йылмым, тӱвырам, йӱлам аралыме да вияҥдыме, марий калыкын шкешамжым нӧлталме шотышто Марий Эл Республикын «Мари ушем» регионысо мер ушемже;
— Марий Эл Республикын «Марий калык конгресс» регионысо мер ушемже;
— «Россий писатель ушем» Российысе мер организацийын Марий Эл Республикысе регион пӧлкаже;
— Марий Эл Республикын «Марий туныктыш институт» ешартыш шинчымашым пуышо кугыжаныш бюджет тӧнежше.
