Тидын нерген Россий Федерацийын Правительствым вуйлатышын алмаштышыже Татьяна Голикова ойлен.

«Ешын идалыкшым «Родные – Любимые» Российысе еш форум дене почаш шонена. Тудо ВДНХ-ште «Россий» ончерыште эртаралтеш, 19 январьыште тӱҥалеш», – каласен Татьяна Голикова.

Тудо палемден: «Тӱҥ задаче – кугу еш деке пагалымашым кугемдаш, еш поянлыкым пеҥгыдемдаш полшаш».

Тыгак Ешын идалыкшын официал логотипше уло.

«Сӱретыште шӱмын кок ужашыже кок пӱрымашым ончыкта: ешым погышо кок еҥ илышым умбакыже шуяш да тудым вес тукымлан пуаш пырля лийыт. Дизайныште вашла ӱкнышӧ кок йӱксын образшым кучылтмо. Нунын ӱжакашт шӱмым ушештарат, ий гыч ийыш вончышо йӧратымашым да ӱшанлыкым ончыктат», – палемден «Национальные приоритеты» АНО-н генеральный директоржо, Ешын идалыкшын оргкомитетын йыжъеҥже София Малявина.