Марий шанчызе-влак «Современное состояние и перспективы развития гуманитарных наук» шанче сесссийыш погыненыт. Тудо Россий наукын кечыжлан да Российысе науко академийым ыштымылан 300 ий теммылан пӧлеклалтын.
Шанчызе да уна-влакым МарНИЯли директор Людмила Григорьева, Тӱвыра, печать да калык-влакын пашашт шотышто министрын алмаштышыже Игорь Садовин, Юл кундем кугыжаныш технологий университетын ректоржо Игорь Петухов саламленыт.
Варажым шанче шагатлаште социологий, археологий, историй да этнологий, филологий пӧлкалаште паша лектыш нерген каласкаленыт. «Финно-угроведение — 2023» журналын, «Священные рощи северо-востока Республики Марий Эл: санитарное состояние, природоохранные и правовые аспекты»монографийын презентацийышт эртат. Шанче сессий 17 шагатлан мучашлалтеш.
