Тушто Марий Элын калык писательже, драматург да журналист Л.Л. Яндаковын «Ший калык» книгаже негызеш марий калыкын эртыше пагытше, вияҥме корныжо да кызытсе илышыже нерген чон почын кутырымаш лиеш. Мутланымашке журналист, мер, образований да тӱвыра пашаеҥ ушнат.
Мероприятийын тӱвыра программыжат поян лиеш. Морко калык театр пьесе гыч ужашым ончыктат. Марий тӱвыра рӱдерын усталык коллективше муро пӧлекым намия.
Мероприятийым Марий тӱвыра рӱдер ден «Мари ушем» регионысо мер организаций эртарат. Тудо 11 шагатлан тӱҥалеш.
