Тушто 21 йылмын ямже, калыкын илыш-йӱлаже да тӱвыраже, шочмо элын але кундемын сӧраллыкше дене палдареныт. Тиде – англичан, француз, азербайджан, узбек, афган (пушту да фарси), араб, корей, татар, таджик, чуваш, удмурт, мордва, финн, коми, турецкий, итальян, немыч, испан, вьетнам, руш, хинди, йылме-влак.
Марий йылмым виш урок семын эртарыме.
Йылме фестивальын презентаторжо да слушательже-влакым Марий кугыжаныш университетын ректоржо Михаил Швецов, Калык-влак паша шотышто федеральный агентствын калык-влак кокласе кылыште кугыжаныш политике управленийжын начальникше Тимур Цыбиков, Марий Элын калык-влакшын Ассамблейжым вуйлатыше Лариса Яковлева, Тӱвыра, печать да калык-влакын пашашт шотышто министрын алмаштышыже Игорь Садовин саламленыт.
Фестиваль «2013-2025 ийлаште Марий Эл Республикын кугыжаныш национальный политикыже» кугыжаныш программым илышыш шыҥдарыме кышкарыште эртаралтын.
Мероприятийым Тӱвыра, савыктыш да калык-влакын пашашт шотышто министерствын полшымыж дене Марий кугыжаныш университет да Республикысе марий тӱвыра рӱдер эртареныт.
