Йошкар-Олаште Москва областьыште кугу туткарыште ӱмыр лугыч лийше-влак лӱмеш мемориалым Рӱдӧ паркыште, Курымашлык тул воктене, почмо. Тушко пашаче коллектив, посна еш дене толыт, пеледыш аршашым пыштат. Марий тӱвыра рӱдерын пашаеҥже-влак, тӧнеж пеленысе усталык коллектив-влакын участникышт толыныт, пеледыш аршашым пыштеныт. Тыге осаллык да шучкылык ваштареш икоян, кугу ойгыш логалше-влак дене пырля улмыштым ончыктеныт.