Павел Иванович шке пашаже дене палдарен, Куженер районысо Кульшитыште ялысе туризмым вияҥдыме нерген каласкален. Рӱдерлан П. Свинин – поро йолташ, йоча мероприятий-влакым эртараш надырым пышта, посна приз-влакым ямдыла. Теве «Пеледше тукым» республикысе йоча усталык конкурсыш жапым муын толын, йоча-влаклан шере йокмам пӧлеклен.

Рӱдер вуйлатыше В.Г. Петров ончыклык тукым деке мелын шогымыжлан, полыш кидым шуялтымыжлан Павел Ивановичлан таумутым кучыктен, ялысе туризмым вияҥдымаште, мӱкш пашам ворандарен колтымаште кугу сеҥымашым тыланен.