Марий тӱвыра рӱдер тушко толшо калыклан оҥай концерт программым ямдылен. Концертыште марий, руш да татар муро-влак йоҥгеныт, куштымаш-влакат тӱрлӧ калыкын тӱвыражым почын пуэныт.

Российын сулло артисткыже, Марий Элын калык артисткыже Зоя Берникова, мурызо-влак Лариса Сидоркина, Людмила Конакова, «У муро», «Юкече» вокал студий-влакын участникышт, «Шокто, гармонь» йоча куштышо ансамбль, «Марий мланде» фольклор коллектив марий тӱвыра дене палдареныт.

Татар тӱвыра рӱдерын пашаеҥышт Марзия Хазиева и Фарит Хайруллин муро дене куандареныт.

Зоя Берникова, Тамара Бадалян, Кристина и Екатерина Хамитовмыт, Эмилия Полетаева, Анастасия Корюкина, Александра Наумова, «Каприз» куштышо ансамбль руш муро да куштымаш дене палдареныт.