Колыштса, колыштса, да вара колын огынал манын ида ойло! 

18 сентябрьыште Республикысе марий тӱвыра рӱдер Ленин лӱмеш тӱвыра полатыште мурымашан, куштымашан, тӱрлӧ модышан да мыскара сынан марий дискотекым почеш. Тиде пайремым Марий Элын чолга шӱдыржӧ-влак сӧрастараш тӱҥалыт. 

Жапым веселан да пайдалын эртараш шонышо-влак, вучена! Ӧрын, вожылын ида шого… Мураш-кушташ шонен толшо-влак, вуйым шупшде, тӱшкашке ушныза! 

Тугеже каснам 18 сентябрьыште, 20.00 шагатлан Мурызо Эчан дене тӱҥалына веле!