Тудо Марий Эл Республикын тӱвыра, печать да калык-влакын пашашт шотышто министерствыже да Марий тӱвыра рӱдерын полшымыжо дене печатлалтын. Книгашке Марий тӱвыра рӱдерын «Чон оҥгыр» фольклор ансамбльын репертуарже, Д. Кульшетовын «Шернур корнет» сборникше гыч, тыгак Марий Эл Республикын калык артисткыже З. Берникован репертуарже гыч муро-влак пуреныт. Нунын кокла гыч «Шорыкйол», «Ӱярня», «Кугече», «У саска» пайрем-влаклан пӧлеклалтше муро-влак улыт. Мурпого школышто тунемше, студент, мурсемым йӧратыше да тудын деке кумылаҥдыше-влаклан пӧлеклалтеш. Тудым школлаште, тӱвыра пӧртлаште мероприятийым ямдылыме годым кучылташ йӧнан.

Муро-влакым Марий тӱвыра рӱдерын методистше Лариса Сидоркина поген.