Тиде книга Шернур районысо «Марий кумалтыш» общинын 10 ияш лӱмгечыжлан пӧлеклалтеш. Марий калык пайремым да юмынйӱлам жаплен шогышо-влак коклаште лачак Шернур районышто ик эн ончыч (2004 ийыште) «Марий кумалтыш» религиозный общине официальный статусым налын. А 2005 ийыште тиде общиныштак Марий юмынйӱлан тамгажым пеҥгыдемдыме. тиде тамга кызыт пӱтынь марий религиозный организаций-влакын символжо семын кучылталтеш.