Василий Очетов ден Алексей Александров-Арсакын ното дене ямдылыме муро сборникыштым Марий мурым йӧратыше-влак шукертсек да шӱм вургыж вученыт. А ьшде ното почеш у тукымат нине сылне мурым тунемын да муралтен кертеш.
Тиде сборникыш «Аваем, ит вурсо», «Роза», «Шайра кундемем» гай кумдан палыме муро-влак веле огыл пуреныт. Тыгак шагал палыме але йӧршын палыдыме ятыр материалым тӱрлӧ архивла гыч муын лукмо, калыкмарий коклаштат погымо.
Книга кум ужаш гыч шога. Кугу верым поэт Алексей Александров-Арсакын комнозитор-влак Ион Кузьмин, Дмитрий Кульшетов, Евгений Волков дене пырля шочыктымо мурышт налыт. Композитор Василий Очетовын возымо сем-влак кокла гыч эн палымыжым веле огыл, тыгак калык коклаш шагал шарлен шуктышо мурыжо-влакымат кычал муын пуртымо. Угыч йоҥталтше-влак кокла гыч «Эртыш йоча пагытем», «Ме Шайра гыч улына» да моло мурымаг налемдыман.
А мурызо Роза Рыбакован мурымо чыла мурыж гаяк ты сборникыш логалын.
Ты книга марий муро куатым, тудын кумдалыкшым шарымашке виктаралтын. Ямдылыше-влак ӱшанат: марий калык чонлан шочыктен колымо тыгай муро-влак курымеш илаш тӱҥалыт.