29 декабрьыште Республикысе марий тӱвыра рӱдерын уста коллективше Марий Турек районысо Марий Купта тӱҥ школышто йоча-влаклан «Йомак тӱня» у ий пайремым пӧлекла.

Тунемше-влак Йӱштӧ Кугыза (Валерий Григорьев), Лумӱдыр (Эльвира Куклина), Теле (Людмила Кошкина), Пампалче (Лариса Сидоркина), Вуверкува (Галина Ласточкина), Пире (Валерий Чиванов) дене мураш, кушташ, модаш тӱҥалыт. Йӱштӧ Кугыза сай пӧлек  да тамле кочкыш дене куандара.

Тыгак пайремыш Сардаял школын тунемшыж-влак ушнат. Моло кумыланат толын кертеш. Вучена пайремыште.