Канаш толшо калыкым «Чон онгыр» фольклор ансамбльын участникше-влак шоҥан пура да шке ыштыме пӱкш дене сийленыт.  Касым Лариса Сидоркина вӱден. Тудо оза пӧръеҥ дене пырля «Родем муралтен колто» муро почеш мӧчӧр-влакым ӱстелтӧрыш ӱжын, пукшен-йӱктен .

Кас мучко Шернур, Волжский, Йошкар-Ола, Провой, Арбор, Кельмаксола, Курыкмарий, Эрвелвел марий муро-влак йоҥгеныт.

Марий кас кажне шуматкечын 16.00 гыч 19.00 марте Йошкар-Олаште (Ленин лӱмеш тӱвыра полатыште) эрта.