Пеледыш пайрем марте икмыняр кече кодеш. Пайремын унаже-влак марий тӱвыран муро, вургем, кочкыш, кидпаша поянлыкше дене угыч палыме лийыт. Регионла гыч толшо ансамбль-влак шке кундемысе тӱвырашт дене палымым ыштат.

Пермь кундем гыч «Памаш» да «Вий памаш» ансамбль-влак шке мастарлыкыштым ончыктат. Тыгак Пошкырт кундемын «Таныш тӱр сем» да «Ӱжара» ансамбльышт мурен-кушташ калыкым тарватат. «Эрвий» фольклор ансамбль Одо вел мурсем дене палдара.

Угарман кундемын «Лекше выт» калык ансамбльже, кугезе кова-кочан вургемыштым чиен, вий-куатшым муро гоч луктеш. Виче кундем гыч «Ший аршаш» ансамбль толеш.

Чылаштым у вашлиймаш вуча.