Чимарий кучедалмаште шке патырлыкшым чылаже 16 еҥ ончыктен. Эн изи ийготан-влак коклаште Параньга район гыч 7 ияш Бердей Данилов сеҥен. 18 ий марте ийготан-влак коклаште Морко район гыч Алексей Васинкин ончыко лектын. Кокымшо вер Шернур район гыч Илья Мустаевлан пуалтын, кумшо верым Шернур район гыч Григорий Шабдаров налын. 70 килограмм марте нелытан-влак коклаште икымше вер Морко район гыч Олег Васинкинлан пуалтын. Кокымшо верым Марий Турек район гыч Дмитрий Романов сулен. Кумшо верым Шернур район гыч Николай Казанцев налын. 70 килограмм деч кугурак нелытан-влак коклаште Параньга район гыч Арслан Иванов ончыко лектын. Кокымшо верым Морко район гыч Олег Васинкин налын. Кумшо верт дене Марий-Турек район гыч Дмитрий Романов аклалтын.
Пырням пӱчмаште кандаш мужыр таҥасен. Сеҥышыш В.Веденеев ден А.Черномазова лектыныт.
Каласен кодыман, кирам нӧлтымаште Владимир Веденеев 141 гана кирам нӧлталмыже дене сеҥышыш лектын. Кокымшо верым Йошкар-Ола гыч Олег Власовлан 135 гана кирам нӧлталмылан пуэныт. Кумшо верыш Кужэҥер район гыч Александр Иванов 128 гана кирам нӧлтамыже дене лектын. Чылаже таҥасымаште 10 еҥ шке вийжым терген.
Таҥасымашым эртараш М. Шкетан лӱмеш Марий кугыжаныш драме театр, (директор Юрий Петрович Русанов), Марий кугыжаныш опер да балет театр (вуйлатыше Константин Анатольевич Иванов), «ФАРБ-М» ООО (директор Алексей Мансурович Ильин) да амалкалче-влак Нина Аркадьевна Орман ден Эрик Альбертович Кольцов полшеныт.
