45 ий ончыч кокымшо марий оперын, «Элнетын», премьерыже лийын. Тудым Иван Николаевич Молотов композитор возен.
Ты опере С.Г.Чавайнын тыгаяк лÿман романже негызеш шочын. Тудым возаш композиторын Озаҥысе консерваторийыште тунеммыж годым шонымаш лектын. Икмыняр ужашыже диплом концерт годым йоҥген.
1971 ий 26 мартыште Марий музыкальный театрыште оперын премьерыже лийын.
