Шукерте огыл Йÿштö Кугызалан серыш-влак пураш тÿҥалыныт. Нунын коклаште эн оҥай-влакым ты пайремыште иктешлыме. Йÿштö Кугызалан 79 серыш толын. «1-5 класс» тÿшкаште – Шернур районысо Марисола кыдалаш школ гыч Наталья Шабдарова сеҥен. Кокымшо верыште – Советский районысо Роҥго кыдалаш школ гыч Лиана Петрова, кумшышто – У Торъял районысо Какшанмучаш ял гыч Анастасия Есменеева.

«6-11 класс» тÿшкаште – Звенигово районысо Красногорский посёлко гыч Анна Степанова сеҥен. Кокымшо верыште – Йошкар-Оласе 7-ше №-ан школ гыч Никита Закиев, кумшышто – Советский районысо Кадам кыдалаш школ гыч Валентина Кушакова.  

Пайремыш кажне йоча марий вургем але иктаж оҥай чиемым ямдылен. Нуным «Калык У ий вургем» номинацийыште аклыме. Шернур районысо Марисола кыдалаш школ гыч Наташа Шабдарова сеҥен. Кокымшо верыште – Шернур районысо Кукнур кыдалаш школ гыч Аня Пидалина, кумшышто – Килемар кыдалаш школ гыч Ксения Костерина.

Шукерте огыл Республикысе марий тÿвыра рÿдер «Калык У ий модыш» конкурсым увертарен. Чылаже 87 паша пурен. Жюри оҥайым, ойыртемалтмым, материалын пеҥгыдылыкшым аклен. Эн сылне модышым Шернур районысо Кукнур кыдалаш школ гыч Павел Актуганов ыштен. Кокымшо верыште – Марий Турек кыдалаш школ гыч Полина Токпаева, кумшышто — ты школ гычак Дарина Сагадуллина.

Марий У ий пайрем уна-влаклан моткоч келшен. У ий дене!