Акрет годсек марий калыкын кечым шотлымо радамже лийын. Кажне ийже янлык, кайык, копшаҥге дене палемдалтын. Могайрак лийын ты кечышот?

Кугезе кечышот 32 ийлан палемдалтеш. Кажне идалык могай-гынат янлыкын, чонанын койыш-шоктышыж дене вийым налеш.  2016 ийын озаже Нерге (барсук). Тудо шке вийжым 22 февраль гыч ончыкташ тӱҥалеш. Нерге – ир, шолып койышан янлык. Нерге ийыште 1952-шо, 1984-ше, 2016-шо ийыште шочшо-влак улыт. Нуно азапыш шагал логалыт, нужналыкым палаш огыт тӱҥал.