Йÿла почеш, теният, «Тыште марла кутыраш лиеш» наклейкым, марий мут-влак дене буклетым ямдылыме. Акцийыш толшо уна-влаклан да Чарла Кремльыште эртыше кажне еҥлан нуным кучыктыме. Ончыкшым кевытлашке, тӱрлӧ тӧнежыш пуэдаш тÿҥалына.
Ӱшанен кодына: тыге ме марий еҥ-влакым чыла лӱдде марла пелешташ кумылаҥдена, вес калык гыч лекше-влакым марий йылме дене палдарена.
Акцийым Марий Элысе тӱвыра, печать да калык-влакын пашашт шотышто министерствын полшымыж денеРеспубликысе марий тÿвыра рÿдер эртарен.
