Толшо-влакым Марий Элын тÿвыра, печать да калык-влакын пашашт шотышто министрын икымше алмаштышыже Владимир Иванович Актанаев тӱҥалме паша дене саламлен. Пленэрын шонымашыже да паша лектышлыкше дене Калыкле тӱс сымыктыш галерейын вуйлатышыже Елена Эдуардовна Бурнашева палдарен. Сӱретче-влакын шушаш кок арняш пашашт дене Республикысе марий тӱвыра рӱдерын вуйлатышыже Наталья Васильевна Пушкина палымым ыштен.

Пленэрым тӧнежтареныт: Россий Федерацийын тӱвыра министерствыже, Марий Эл Республикынын тÿвыра, печать да калык-влакын пашашт шотышто министерствыже. Проектым Калыкле тӱс сымыктыш галерей Республикысе марий тӱвыра рӱдер да У Торъял муниципал район администрацийын полшымо дене йӧнештара.