«Чон оҥгыр» тӱвыра рӱдерын шочмыж годсек муро костенечше дене калыкым куандара. Икмыняр еҥже, мутлан, Таисия Даниловна Петрова семын, ансамбльыш икымше кече гычак коштыт, спектакль сынан концертым эртарыме годым тӱҥ рольым модаш ӧрмалген огытыл. Тидын да мемнан республик мучко да пошкудо кундемлаште выступатлен коштмышт годым лийше оҥай случай нерген кумылын каласкаленыт, репертуарышт гыч мурым йоҥгалтареныт.