Палемдыман, дискеш лукмо видеосборникыш марий калыкын илышыже да пайремже нерген кум документальный фильм – «Сӱрем», «Шкетанын мландыштыже» да «Угинде» – пуреныт.

Кызыт марий калык «Сӱрем» пайремым эртара. Сӱрем – кенеж рӱдын эртарыме акрет годсо чимарий йӱла кокла гыч эн тӱҥ да жаплыме пайрем.

Морко районысо Унчо велне эртарен колтымо гын, Юлсер кундемысе Корамас велнысе калык чимарий пайремым тиде арнян, кугарнян, «Сӱрем кудалтымаш» дене мучашла.

Пагалыме йолташ-влак, тыланда марий режиссер Алексей Алексеевын «Сӱрем» этнографий фильмжым ончалаш темлена. Тудым 2013 ийыште войзымо.