Пагалыме Олег Михайлович! Республикысе марий тӱвыра рӱдер Тендам алал кумылын чапле пайремда дене саламла. Марий калык семым тӱня кӱкшытыш лукмаште моткоч кугу надырым пыштенда. Лач Тендан тыршымылан кӧра шӱдӧ ий ончыч возымо марий калык мурым колышташ йӧн лийын, тунамсе марий йылмын ойыртемжым пален налме. Калыкнам чапландарыше пашаште ончыкыжымат саскада тӱвыргӧ да лектышан лийже. Ме Тыланда пеҥгыде тазалыкым, кужу ӱмырым, волгыдо да пиалан илышым тыланена.