Тудым 2005 ий 6 июльышто лукмо «О днях воинской славы России» федерал закон дене пеҥгыдемдыме. Тиде законым лукташ 2004 ий 1 сентябрьыште Бесланыште лийше ойган событий таратен. Тунам боевик-влак ты оласе 1-ше номеран школым руалтен налыныт. Теракт годым 300 еҥ колен, тышеч 150-ыже утла – йоча-влак. Бесланыште колышо-влакым шарналтен, элкӧргысӧ да тӱнямбал терроризм ваштареш тавадаҥ шогалшаш улына, осал йырныклан шарлаш йӧным пуышаш огынал.

Тиде кечын Марий Элыште тӱрлӧ мероприятий эрта. Школлаште лӱдыкшымылык дене кылдалтше тематический класс шагат, йыргешке ӱстел, линейке да молат эртаралтыт. Тыгак «Илыш чӱчалтыш» акцийыш ушнат. Тиде акций дене пеледышыш вӱдым оптымо дене туткар годым илыш дене чеверласыше-влакым, шужо манын, йӱкташ ӱжыт. Тидым шарнымаш мемориал воктене, Сеҥымаш скверыште ышташ лиеш. Кузе орланен колышо-влакым йӱктыман? Чашке гыч кидыш вӱдым опталын, кид гыч йогышо вӱд дене пеледышым йӱктыман.

Тек мланде ӱмбалне тыныслык ила.