Фестиваль-конкурсышто сеҥыше-влакым кок номинацийыште палемдаш тӱҥалыт. «Вокал» ужашыште шкетын (соло) да тӱшкан (дуэт але ансамбль) мурышо-влакын мастарлыкышт посна ончалтыт. «Инструментальный» номинацийыш тӱрлӧ семӱзгар дене шоктен мурышо-влак ушнат.

Палемден кодыман, кокымшо гана эртаралтше фестиваль-конкурсыш Евгений Волковын Арсий изажын мутшылан возымо ятыр мурыжо, кудыжо икмыняр лу ий дене йоҥгалтын огыл, муралтыт. Чылаже 50 наре муро сценыш лекшаш.

Фестиваль-конкурс 11 шагатлан тӱҥалеш. Гала-концертыште сеҥыше-влак радамыш логалше-влак деч посна марий эстрадын шӱдыржо-влак Волковмытын мурыштым йонгалтарат. Ончаш толшо калыкым кидмастар-влакын пашаштат кумылым лукшаш, кумылан-влак мастар-классыште келшыше ӱзгарым але настам ышташ тунемын кертыт.