13 июльышто увертарыме «Марий кас» 20 июльыш кусаралтеш. Пайрем программе огеш вашталт: тендан ончылно Юлсер кундемысе «Юлмар» пӧръеҥ-влак ансамбль шке мастарлыкшым ончыкта. Тудым самодеятельный композитор да мурызо Вячеслав Осипов вуйлата.

Тале гармоньчо да мурызо Василий Васильев, Карай ялын мурызо шӱшпыкшӧ Александр Калинин, Сотнур села гыч Геннадий Шишков, Шарача гыч Олег Кириллов да Волжск ола гыч гитарист Виктор Браслетов ансамбльыш ушненыт. Репертуарышт поян: калык да автор-влакын мурыштым йоҥгалтараш тӱҥалыт. Гармонь, баян да гитар сем почеш мураш-кушташ 20 июльышто Чарла Кремльыш пагален ӱжына. Пайрем кас 18 шагатлан тӱҥалеш.

Июльышто эше ик гана вашлийына:27 июльышто Чарла Кремльыштак «Марий кас» эртаралтеш.