Каласен кодыман, Йошкар-Олаште эмгудо-влак ятырак улыт. Нунын лӱмоҥаштым ончалаш гын, кажныжым шке семын возымо – ик шот уке. Палемдыман, «Марий орфографий мутер» (2011 ийыште савыктыме) почеш «аптека» руш мутым марлаже «аптеке» [70-ше лаштык] але «эмгудо» [355-ше лаштык ] семын кусарыман.
Айста, фотосӱрет-влакым ончалына.
В.М.Васильев лӱмеш Йылмым, сылнымутым да историйым шымлыше марий институтысо Йылме пӧлкан шанче пашаеҥже филологий науко кандидат М.Т. Ипакова дене тидын шотышто мутланыме. Туд о2017 ий гыч «аптека, аптечный пункт, аптечный киоск» руш мут-влакым марий йылмышке «эмгудо» манын кусараш темла.
