Чылаже 200 йоча марий ёлкыш ӱжмашым налын. Пайрем мероприятий деч вара йоча спектакльым курчак театрын артистше-влак ончыктат. Кажне тунемше Йӱштӧ кугыза да Лум ӱдыр, йомакысе моло персонаж деч шере пӧлекым налыт. Пайрем 10 шагатлан тӱҥалеш.

Марий У ий ёлкым Республикысе марий тӱвыра рӱдер Марий Эл Республикын тӱвыра, печать да калык-влакын пашашт шотышто министерствын полшымыж дене эртара.