Конкурс кок номинаций дене эрта. Икымшыже — «Авайнам саламлена» театрализованный саламлымаш, весыже – 8 мартлан пӧлеклалтше «Шыргыжал, авай» шке кид дене ыштыме открытке.

Конкурс кок тапыр дене кая. Икымшыже район кӱкшытыштӧ лиеш. Тудо 20 март йотке эрта. Районлаште сеҥышыш лекше икшыве але йоча коллектив республик кӱкшытыштӧ эртаралтше мероприятийыш ӱжалтыт. Тушто, Положений дене келшышын, 1 гыч 7 класслаште тунемше-влак вийыштым тергат. Конкурс паша-влакым 22 март марте тыгай адрес дене колташ лиеш: Йошкар-Ола, Первомайский урем, 109 пӧрт, 115-ше каб. Республикысе марий тӱвыра рӱдер. Тыгак электрон почтыш: mari-centr@mail.ru але (836)2 45-88-51 номер дене факсыш колтыза.