Пайремым регионла гыч толшо фольклор коллектив-влак сӧрастараш тӱҥалыт. Нуно В.Никонов площадьыште погынат, тушеч Чавайн лӱмеш парк гоч Рӱдӧ парк марте ошкылын толыт.

Фестивальыш толшо кажне еҥ «Эн тутло мелна» конкурсыш ушнен, марий калык кочкышым эн сайын ямдылыше радамыш логалын кертеш. Курык гыч Ӱярня вара дене мунчалташ, калык модыш дене тӱшкан модаш лиеш.

Пайремын программыже:

10.00 — В.П.Никонов площадь гыч Чавайн лӱмеш парк гоч Рӱдӧ парк марте фольклор коллектив-влакын ошкылмаш;

11.00 — 13.00 — «Сылне пайрем Ӱярня» фольклор площадке, «Эн тутло мелна» конкурс;

13.00 – 14.30 — калык модмаш, «Ӱярня курык» гыч мунчалтымаш;

14.30 – 15.00 – Ӱярня кувам йӱлалтыме йӱла.