Светлана Строганова, Анатолий Зарецких, Валерий, Станислав Устюгов, гармоньчо-влак Эльвира Петрова ден Сергей Пакеев, «Кас сем» группо калыкым сылне семышт дене куандареныт. Пайрем жапыште модыш-влакымат эртарыме.

28 январьыште тиде верыштак «Марий кас» лиеш. 15 шагатлан чыладам вучена. Тендан деке, пагалыме марий калык, Оршанке район Пуял ялысе тӱвыра пӧрт пеленсе «Сескем» ансамбль вашка! Толза, пырля кап-кылнам лывыртена, шӱм-чоннам куандарена, у арняш у куат дене вончаш кумылнам нӧлталына!