Эр кечет легылдале,

Куэ вует ужаргале,

Кечывал кечет кӱзалале,

Шудылык чаратым когартале.

Кас кечет волале,

Арамат йырет вӱд нале.

Меже каяш тӱҥална гын,

Шинчада йыр вӱд налеш.

 

Йошкаргет, йошкаргет,

Ока тулет йошкаргет.

Волгыдет, волгыдет,

Ший тулет волгыдет.

Эрталеш, эрталеш,

Мемнан ӱмыр эрталеш.

Кодылдалеш, кодылдалеш,

Мемнан таҥже кодылдалеш.

 

Элнет курыкет, кужу курыкет,

Аршынат пеле лум лумын.

Чеверын кодшо кыснегыжым

Шергаш воштет пагалал нална.

Пеке солан ӱдыржым

Ший-ола коклаштат палал нална,

Коҥганурын ӱдыржым

Шем кожерыштат огына палал.

 

Нурет, шерет, шем шерет,

Куча нурет, спает,

Кучал кертдыме йошкар ожем уло,

Ончалал темдыме ош таҥем улдалеш.

 

Эҥыжвондет, спает,

Шоптыр вондет, спает.

Ломбо пуэтлан ок шулдал.

Ломбо вуэт, спает,

Озаҥ олажлан ок шулдал.

Озаҥ олат, спает,

Торъялетлан ок шулдал,

Торъялет, спает,

Ачат-аватлан ок шулдал.

Ачат-ават, спает,

Помыш йолташлан ок шулдал.

 Помыш йолташет, спает,

Коҥганур моторжылан ок шулдал.

 

Кужу-кужу, ида малдал,

Мемнан деч кужу пӱнчӧ уло,

Кӱчык, кӱчык ида малдал,

Мемнан деч кӱчын пундыш уло.

Шеме-шеме, ида малдал,

Мемнан деч шеме шоптыр уло.

Шадыра-шадыра, ида малдал,

Мемнан деч шадыра эҥыж уло.

Йорга, йорга, ида малдал,

Мемнан деч йорга куэ вуй уло.

Кагура-кагура, ида малдал,

Мемнан деч кагура нӧлпӧ уло.

 

Капкаштым тӱчын огыт керт да

Мардежлан йолам ышталыт.

Печыштым печен огыт керт да

Казалан йолам ышталыт.

Ӱдырыштым кучен огыт керт да

Мыланна йолам ышталыт.

 

Юмын куку ачам уло,

Куку шулдыр авам уло.

Варсеҥге гае изам уло,

Варсеҥге шулдыр гае еҥгам уло.

Кеҥеж лыве гае шӱжарем уло,

Кеҥеж саска гае шке улам,

Саска пеледыш гае таҥем уло.

Мӱндыр нымыштетым руальым,

Шогалташ верым шым мулдал.

Лишыл вольыкашетым шулдальым,

Сакаш верым шым мулдал.

Мӱндыр таҥетым кучальым,

Чонем йӱлаш вел йӧрыш.

Лишыл таҥетым кучальым,

Шинча йӱлаш веле йӧрале.

Йылдырым, йылдырым куэрешет

Кут кормыж пачашым шаральым.