Ӱярня такмак-влак

Что такое, мо тыгай?

Эр годсек школна гӱжла.

Тиде толын Ӱярня,

Шошым конден мыланна.

 

Ӱярня, Ӱярня,

Шуйнет ынде ик арня.

Мурена да куштена,

Ӱян мелнам кочкына.

 

Ӱярнялан йывыртен,

Курык вуйыш чошена.

Мардеж дене ӱчашен,

Йолвара ден волена.

 

Ӱян-мӱян Ӱярням

Изин-кугун вучена.

Ӱярнякувам ямдылен,

Муралтен-кушталтена.

 

Йолна мемнан тавалта,

Кидна мемнан рӱзалта

Сылне марий сем почеш

Куванажат кушталта.

 

Ой, Ӱярня, Ӱярня,

Моткоч мотор тый улат.

Чыла осалнам поген,

Ужатена йӱлалтен.

 

Шокто, шокто, гармоньна,

Ит ойгыро, Ӱярня!

Йӱштӧ телым ужатен,

Чевер шошым вашлийна.

 

Ой, Ӱярня, Ӱярня,

Уна лийыч ик арня.

«Ой, чеверын», — манына,

Шушаш ийым вучена.

Горохова Ангелина, Рябчикова Екатерина, тунемше-влак (вуйлатыше – А.В.Васильева)