Тиде кечым шукерте огыл, 2008 ий гыч, палемдаш тӱҥалме. Пайремын негызшылан Муром олаште илыше Феврония ден Петр нерген легендым налме. Нунын йӧратыме историйышт кызытсе мартеат еш пиаллан чапле пример семын кодын.

Еш – тиде илыш рӱдӧ, тудо пеҥгыде лиеш – эрласе кечыш куштылго шӱм-чон дене ласкан ончен тошкалат, шкан у ешым погаш куштылгырак лиеш, йоча-влакым ончен куштымо годымат ача-аван, коча-кован ешым кучен илымыштым, ыштыш-кучышыштым, икшывыштым ончен куштымыштым аклаш тӱҥалат.

Арам огыл, наверне, Кугу Ачамланде сар каен шогымо жапыште, 1944 ий 8-ше сӱремыште «Мать героиня», «Материнская слава» да «Медаль материнства» орден-влакым кучыкташ палемдыме. Тыге неле пагытыштат шуко шочшан еш-влакым чапландараш Виктер йӧным ыштен.

Марий тӱвыра рӱдер марий еш-влакым чапландарымаште сомылым виктарен шога. Тиде пашам тӱрлӧ сынан мероприятий-влак гоч шуктен шога. «Авам дене пырля», «Ший талешке» конкурс-влакым эртарена. Тидын годым йоча-влакым марий тӱвыра, йӱла дене палдарена. А кугезе тукымын йӱлажым изинек пален кушшо йоча шочмо йылмыжым, чарайолын куржталме вер-шӧржым огеш мондо.

Пайрем дене, йолташ-влак! Тек ешыштыда чыла сай лиеш, тыныслык, волгыдылык, икте-весым умылымаш илат!