14 декабрьыште  11 шагатлан  Москва олаште  А.С. Пушкин лўмеш Кугыжаныш тоштерыште «Кукла в национальном костюме» ончер почылтеш. Тудо Кугыжаныш Россий калык усталык пӧртын  100 ий теммым пайремлыме лўмеш эртаралтеш.

Уло Россий кумдык гыч пайремыш тале калык курчак мастар-влак погынат. Ончерыште  марий тувыран курчак-влакат  улыт. Нуным кидмастар  Волкова Галина Николаевна  ямдылен. Эксперт-влакын  ўжмышт  почеш Галина Николаевна пайремым почмаште лиеш да блиц-конурсышто шке мастарлыкшым ончыкта.

Шийвундо  да организаций йодышым вораҥдарыме полышым Марий тўвыра рўдер ыштен.