Коктын:

« Марла ойлем – марий улам!»

 «Мурсем» ансамбль

1-ше вӱдышӧ  Поро кас лийже, тиде сылне шошо кастене куан кумыл дене ташлыше пӱтынь марий калыклан.

2-шо вӱдышӧ  Мемнан мутна да поро ойна, чыла тиде тыланда, тыланда марий шӱлышан, марий койышан марий кундемыште чапланен илыше калыклан «Марла ойлем» акций пӧлеклалтеш. Тений тудо кудымшо гана эртаралтеш.

1-ше вӱдышӧ  «Марла ойлем» акций Марий талешке кечым палемдыме радамыш пура.

1-ш е в ӱ д ы ш ӧ  Марий калык шке талешкыже-влаклан эреак вуйым саваш тӱҥалеш. Нуным ме огына мондо.

2-ш о вӱдышӧ  Кузе мондаш лиеш шке калыкшын эрыкше, пиалже верч талын шогышо, неле жап годым шочмо мландыже, шочмо калыкше верч оҥ дене кынелше марий талешкына-влакым.

1-ше вӱдышӧ  Таум ойлена марий талешкына-влаклан. Нунын пеҥгыде вийыштлан кӧра мемнан шкенан марий мландына, арален кодымо марий йӱлана, тӱвырана уло. Мыланнаже лач тидым аралаш да шкенан марий йылмына дене мутланаш веле кодеш.

2-шо вӱдышӧ  Но тидын годым шарнен кодман: курымла вошт мемнан койыш-шоктышнам да кажне ошкылнам талешке кугезына-влак Чоткар, Чумбылат, Акпатыр, Полтыш, Акпарс тӱткын эскерат.

1-ше вӱдышӧ  Садланак нунын ончылан вожылмашке пураш огыл манын курымла гоч арален кодымо поянлыкым кӱлеш семын переген шогышаш улына. Тиде мемнан, самырык-влакын кидыштыже.

А таче мемнам саламлаш кугырак-влак толыныт. (Сем йоҥга)

2-шо вӱдышӧ  Тиде -….

1- ш о в ӱ д ы ш ӧ. Марий Эл Республикысе …

2-шо вӱдышӧ  Республикысе тӱвыра рӱдерын вуйлатышыже …

1-ше вӱдышӧ  «Мый марла ойлем» акцийлан тӱҥалтышым пыштыше «Вийар» мер ушемын вуйлатышыже …

Сылнымут флешмоб (А. Иванова эртара). Лирический сем-влак йоҥгат.

 2-шо вӱдышӧ  «Мый марла ойлем» акцийым эртарыме дене саламлаш марий мурызо … толын. Тудо … мурым йоҥгалтара.

1 — ше  вӱдышӧ  Келшыш … мурыжо?

2- шо вӱдышӧ  Ну, а те, йолташ-влак, марий чонан улыда гын, мемнан деке лишкырак толаш йодына.

1-ше вӱдышӧ  Канде кава йымалне марий кундемыште мемнан кугезына-влак «Вӱд йогын» модыш дене модаш йӧратеныт. Айста меат тиде модыш дене модына.

«Вӱд йогын» модыш. Сем почеш.

Кумылан-влак модаш лектыт. Кок радамыш шогалыт, мужыр икте-весыштын кидыштым кучат да кӱшкӧ нӧлталыт. Кӧ тиде радамыште мужыр деч посна кодын, тудо шкенжын мужырлан ик мужырым рончышаш, да радам мучашыш вӱден наҥгайышаш. А ончылно кӧ мужыр деч посна кодын адак шканже келшыше айдемым ойырен мужырым рончышаш. Сем чарнымешке тыге шуйна. Кӧ шкет мужыр деч посна кодеш, тудлан иктаж-мом ышташ заданий пуалтеш.

2-шо вӱдышӧ

Марийын тыгакак лийшаш:

Шӱдыржат марла чӱчкышаш,

1 — ше вӱдышӧ.

Кундемна марла мурышаш

Поянлыкна шӧртньӧ аршаш.

Мурызо… ____________________________________

2-шо вӱдышӧ  Марий талешкына-влакым ме лач сӱретыште веле ужына, саркуралым тоштерыште шымлен кертына. Сӱрет-влак марий калыкын чапле историйже нерген шарныктат, геройло кугезына-шамычын сеҥаш лийдыме кӧргӧ вийыштым, патырлыкыштым, лӱддымылыкыштым, чолгалыкыштым ушештарат.

1-ш е вӱдышӧ  А таче мемнан деке лӱмынак, мыланна, самырык-влаклан, акрет годсо саркуралым да мастарлыкым ончыкташ да марий йылмын ямжым пален налаш «Волжский путь» историй реконструкций клуб толын. Вуйлатыше …. Вашлийза!

 Выступленийышт

2-шо вӱдышӧ  Тый палет, Алина, акрет годым марий-влак лач саркуралым кидыш кучен гына огыл тушманым лӱдыктен кертын.

1-ше вӱдышӧ  Чынак? Ом пале, а кузе?

2-шо вӱдышӧ  Вуйым кӱш нӧлталын, рыҥ шогалын марла тавалтен. Мурсем тидын годым йоҥген огыл. Тушман тавыме йӱкым кугу дружинын толмыж семын колын да марий-влак деч шеҥгек чакнен.

1-ш е вӱдышӧ  Чынак? А тый марла тавалтен моштет?

2-шо вӱдышӧ  Мый, моштем. А тый шкеже моштет дыр?

1-ше вӱдышӧ  Изишак моштем гай чучеш (тавалтышын коеш)

2-шо вӱдышӧ  Палантай лӱмеш республикысе тӱвыра да сымыктыш колледжын студентше-влакым ончык лекташ ӱжына. Лекса. А те тыште шогышо-влак нунын гаяк куштен кертыда?

1-ше вӱдышӧ  Кушталтена мо?

2-шо вӱдышӧ  Кушталтена!!!( марий сем чӱкталтеш)

Марий флешмоб

 1-ше вӱдышӧ  Таче марий йылмым тунемаш кумылан-влакат «Мый марла ойлем» акцийыш ушненыт. Нунын кокла гыч иктыже – …

2-шо вӱдышӧ  Сегодня к акции «Мый марла ойлем» (Я говорю по-марийски») присоединился …

1-ше вӱдышӧ  Добрый вечер, …

2-шо вӱдышӧ  Скажите пожалуйста,   , где вы родились и сколько лет вы живете в Йошкар-Оле?

1-ше вӱдышӧ  А вы знаете марийский язык? (йодыт, лудаш пуат). 

2-шо вӱдышӧ  Пайрем дене мемнам саламлаш армян калыкын эргыже… толын.

Концерт номер (мурыжым шке представитла).

1-ше вӱдышӧ  Керек-могай калыкат шкенжын шочмо-кушмо йылмыжым пагала, мыйын шонымаште, тышке толшо йолташна-влак чыланат марла ойлат да марий улмышт дене кугешнат. Туге?

2-шо вӱдышӧ  Алина, Йошкар-Олаште шочын-кушкын марла ойлаш тунемаш лиеш мо?

1-ше вӱдышӧ  Лиеш. Эше кузе лиеш. Теве … лач марла гына огеш мутлане, тудо эше марла мура да шкенжым мер илышыште чолган ончыкта.

2-шо вӱдышӧ  Вашлийза, …

Концерт номер

1-ше вӱдышӧ  

Марий йылмына моткоч ныжыл, сӧрале,

Марла кутырымет памашла йыргыкта,

2-шо вӱдышӧ  

Шӱмнам ырыкта, паремда сусыр чоным.

Да кап-кыллан вийым, ӱшаным пуа.

1-ше вӱдышӧ  Мемнан коклаште сылнымутым пагалыше да шке возымо мурым йоҥгалтарыше Геннадий Григорьев уло. Вашлийза, марий бард Геннадий Григорьев.

Геннадий Григорьев (гитар почеш мура)

«Капка» модыш дене модыктымаш.

2-шо вӱдышӧ  Касна пайдалын эртыже манын, мемнан саламлаш толшо куштышо ансамбльым ӱжына.

Марий мурсем куштымаш

1-ше вӱдышӧ

Мый пиалан улам – марий айдеме,

Марий чодыра лоҥгаште кушшо еҥ,

2-шо вӱдышӧ

Моктен мурем нӧлталтше кумыл дене

Родной эл ден пырля Республикем.

Марий мурызын номерже

 1-ше вӱдышӧ  Марий калык нерген кызыт ме кугешнен ойлен кертына: тудо шке йолыштыжо пеҥгыдын шога!

2-шо вӱдышӧ  Но вет тыгайыш шуашлан тудлан шуко йӱштӧ-шокшо гоч эрташ пернен!

 1-ше вӱдышӧ  Нунын патырлыкыштлан кӧра ме кызыт, самырык-влак, тыныс илышыште илена. Лӱдде, вожылде ойлен сеҥена, ме марий улына. Теве марла мурена да куштена, марий йылме дене ойлена да возена. Йӧратымаш нерген мурена.

 Марий муро

Тудын почеш куштышо ансамбль сценыш лектеш

 1-ше вӱдышӧ  

Курымла ден пойдаралтше,

Чодыра памаш йӱкан

Шочмо йылме – ош тӱняште

Чоным рӱпшышӧ  куан

2-шо вӱдышӧ  

Тукым кылын тӱҥ оролжо

Эн акрет дечат акрет

Чумбылатын да Онарын

Ойыштым тачат саклет

Шочмо мланде нерген муро

 1-ше вӱдышӧ  Пагалыме йолташна-влак «Мый марла ойлем» пайрем касна мучашке лишемеш. Тыланен ойлен кодымо шуэш:

2-шо вӱдышӧ  Йӧратыза, аралыза, саклыза шочмо йылмыдам, пошкудыдам.

1-ше вӱдышӧ  ваш келшен илымаште,

2-шо вӱдышӧ   пагалымаште да

Пырля: ваш полшен шогымаште – вий!